മറുഗേലരാ ഓ രാഘവാ (Marugelara Oh Raghava)

പല്ലവി 

=====

മറുഗേലരാ ഓ... രാഘവാ 

അനുപല്ലവി 

========

മറുഗേല ചരാചര രൂപാ 

പരാത്പര സൂര്യ സുധാകര ലോചന 

ചരണം 

=====

അന്നി നീ വനുചു അന്തരംഗമുന 

തിന്നഗാ വെദകി തെലുസുകൊംടി നയ്യ

നെന്നെ ഗാനി മദിനി എന്നജാല നൊരുല

നന്നു ബ്രോവവയ്യ ത്യാഗ രാജനുത 

വ്യാഖ്യാനം 

========

പല്ലവി 

=====

മറുഗ - തിരസ്ക്കരണി, മറ 

എലരാ - എന്തിന്?

രാഘവാ - രഘുവംശത്തിൽ പിറന്നവനെ , ശ്രീരാമാ 

അല്ലയോ ... ഭഗവാനേ... ശ്രീരാമാ... എനിയ്ക്കും അവിടുത്തേയ്ക്കും ഇടയിൽ എന്തിനാണീ മറ?

അനുപല്ലവി 

========

മറുഗ - തിരസ്ക്കരണി, മറ 

എലരാ - എന്തിന്?

ചരാചര - ചാലിതവും അചലിതവുമായ , 

രൂപ - നിലകൊള്ളൂന്നവനേ 

പരാത്പര - പരവും അപരവുമായ, എല്ലാത്തിനും ആധാരമായ പരമ്പോരുൾ 

സൂര്യ - സൂര്യന്റെ 

സുധാകര - അമൃതം ചൊരിയുന്നവൻ, നിലാവ് പൊഴിയ്ക്കുന്നവൻ , ചന്ദ്രൻ 

ലോചന - നയനങ്ങളോട് കൂടിയ 

അല്ലയോ... ഭഗവാനേ.... ചലിയ്ക്കുന്നതും ചലിയ്ക്കാത്തതുമായ എല്ലാം തന്നെ രൂപമായുള്ളവനേ... ഇഹലോകത്തിനും പരലോകത്തിനും നാഥനായവനേ... സൂര്യചന്ദ്രന്മാർ നയനങ്ങളായുള്ളവനേ... എനിയ്ക്കും അവിടുത്തേയ്ക്കും ഇടയിൽ എന്തിനാണീ മറ?

ചരണം 

=====

അന്നി - എല്ലാം 

നീ വനുചു - നീ മാത്രം 

അന്തരംഗമുന - മനസ്സിനുള്ളിൽ 

തിന്നഗാ - ഞാൻ നേരിട്ട് 

വെദകി - അന്വേഷിച്ചു 

തെലുസുകൊംടി - ബോധമുണ്ടായി 

നയ്യ - ഓ.. ഭഗവാനേ..

നെന്നെ - അവിടുത്തെ 

ഗാനി - അല്ലാതെ , 

മദിനി - മനസ്സിനുള്ളിൽ 

എന്ന - ചിന്തിയ്ക്കുക പോലും 

ജാലനു - ഞാൻ ചെയ്യില്ല 

ഒരുലവ - മറ്റാരെയെങ്കിലും കുറിച്ച് 

നന്നു - ഞാൻ 

ബ്രോവവയ്യ - ദയവായി സംരക്ഷിച്ചാലും 

ത്യാഗരാജ - ത്യാഗരാജൻ 

നുത - പുകഴ്ത്തുക 

ഞാൻ ബോധതലത്തിൽ തിരഞ്ഞ് സ്വയം മനസ്സിലാക്കുന്നു എല്ലാം നീ ആണെന്ന്, നീ മത്രമാണെന്ന്. അതിനാൽ തന്നെ ഇനി ഞാൻ മനസ്സിനുള്ളിൽ മറ്റൊന്നിനെ കുറിച്ച് ചിന്തിയ്ക്കുക പോലും ചെയ്യുകയില്ല. ആയതിനാൽ അല്ലയോ ഭഗവാനേ... ഈ ത്യാഗരാജൻ വാഴ്ത്തിപ്പാടുന്ന ദൈവമേ.. എന്നെ കാത്ത് രക്ഷിച്ചാലും... ദർശ്ശനം നല്കിയാലും..

ആലാപനം : മഹാരാജപുരം സന്താനം